宣揚愛護動物信息

西九龍總區今日舉辦活動，最主要喺希望透過唔同方式去教育、宣傳，提醒市民大眾要尊重、愛護動物，從而感染大眾對動物嘅憐愛，以及提高社會各界對防止殘酷對待動物嘅關注意識。

會場入面，擺放咗好多唔同內容嘅展板，包括有動物相關嘅法例、我哋西九龍總區處理過有關動物嘅個案、亦都有飼養動物嘅知識，除咗資訊性，我哋亦都安排咗兩個同動物有關嘅攤位遊戲俾大家玩，我哋亦都邀請咗三間動物機構分別係香港愛護動物協會、香港兔友協會、香港動物領養中心設置攤位，提供資訊俾大家。

今日好多嘉賓同出席者都帶咗自己嘅寵物一齊嚟支持我哋嘅活動，大會亦都誠邀左警犬隊兩隻警犬嚟到同大家表演，佢哋分別就係Sunny同埋Dave，咁Sunny除咗係警犬之外，佢另外仲有一個身份就係我哋警隊嘅「守護之星」，佢經常會走進社區同市民交流，展現親切友善嘅一面，以宣揚「守護動物、尊重生命」的訊息。

警隊有個計劃叫「守護成長好拍檔」，邀請了「中央諮詢委員會」嘅委員為2020年秋季出生嘅12隻警犬BB命名，佢哋嘅名全部都係以B字為首。今日我哋就請咗其中3隻分別係 Bobo, Bailey and Bagel 嚟到現場同大家見面，而為佢命名嘅動物守護社區大使計劃中央諮詢委員會委員 李漢雄 先生BBS MH JP、陳香蓮 女士 JP ，同埋 王嘉恩 博士 MH 到會場支持。

各位嘉賓亦即場參與我哋「我撐動物挑戰賽」嘅活動，令到整個教育日的氣氛推至高峰，而今日整個活動係一片歡樂聲完成。

於2020年10月，西九龍防止罪案辦公室舉辦名為「護動、互動」的手機攝影及短片創作比賽。 作品以人與動物之間的互動為題，除了收到很多寵物的日常有趣照片或片段外，不少作品更是家中小孩與毛孩的溫馨合照。是次比賽合共收到超過1800份相片作品及300段短片作品，得獎作品並於總區平台發放，宣揚警民齊「護動」的精神。